Google Maps 功能無盡，已經是每個人手機必備的一款地圖導航 App，但是，除非你是獨家村，你都會想身邊每個朋友都懂得用 Google Maps。此篇就是寫給你身邊那些只懂截圖不懂分享Google Maps 連結的朋友們。
可能大家身邊都會有一兩個 Google Maps 半桶水的親戚朋友，問佢喺邊度，講唔出，問佢約我去邊度，講到一嚿嚿。早一段日子，全家人去沖繩旅行，我細佬比我們早到，於是大家相約在那霸國際通會合。
「到咗，去邊度搵你？」我問。
「我哋行緊去激安。」細佬答。
「激安喺邊度，你send條link俾我。」
然後，我收到一個WhatsApp，入面不是一條連結，而是一個Google Maps的截圖。咁激？
「咁你而家喺邊度？」我再打佢電話。
「有啲舖頭囉，你而家係咪見到條街兩邊都有舖頭？係喇係喇，啱喇，你直行啦。」
直行即係我轉左定轉右? 咁我自己Google返啦⋯⋯
後來同寫電腦程式嘅朋友談起這個問題，其實Google Maps內分享地點這個功能並不十分明顯，可能是Google Maps的錯，不是細佬的錯。
那麼，我決定以大無畏精神，寫一篇Google Maps for Dummies 俾細佬，有需要的話，你也可分享给你不太懂用分享地圖位置的朋友。
Google Maps for Dummies 入門版
– 先提醒朋友要在手機setting點按Google Maps開啟location tracking功能。
– 很多人唔用Google Maps，因為曾經有行相反方向的情況，是因為手機 lock了screen, 又或者手機上下掉轉了也不察覺，所以要先cancel Lock Screen。
– 在 Google Maps app 中，先點按某個位置，或者在search bar 輸入地點。點按屏幕底部的位置名稱或地址。
點按“share”。
– 選擇一個App (WhatsApp, email, message) 來發送location link，或先點擊“copy”將鏈接複製，以便”paste”到任何地方。
適用情況：教朋友教你去到目的地，用最快時間、唔駛鬧交嘅情況下。
– 首先在 Google Maps app 中，先點按某個位置，或者在search bar 輸入地點。點按屏幕底部的位置名稱或地址。
– 點按 Direction。
– 點按 Your location，在 choose your starting point 輸入你朋友的出發點 , 因為這原本是your location，而不是你朋友的location。
– 選擇以下選項 (的士/公交/步行), 底部顯示旅行時間和距離。
– 點擊右上角的三點按鈕, 點按“share”。
– 選擇一個App來發送direction link，或先點擊“copy”將鏈接複製，以便”paste”到任何地方。
適用情況：教朋友由A點去B點， even由銅鑼灣SOGO行去Apple store。
