密碼管理已經夠煩, 仲要管理埋密碼管理軟件。 但眼見源源不絕的資料外洩新聞，逃避之際仍需面對。今次就為大家介紹最好用的免費版及收費版密碼管理軟件。
我應該係識通靈。
快將七歲嘅姪女天天告訴我，媽媽同佢換咗新電話，電話快咗，仲可以set密碼。
我問佢密碼係乜，佢話呢個係秘密。
「等我估下先，係唔係1234 ？」
「姑媽，你唔好估啦，唔係1234呀。呢個係我嘅秘密嚟㗎，你估中我點算?」
「咁即係Joy1111？」Joy係佢英文名，佢雙11生日嘅。
「都叫你唔好估囉，密碼得四個字嘅咋。」
「咁即係1111啦。」
「哎呀，你真係估中咗啊。」
其實，人係predictability 好高的動物，你知我知大家知大家點都係用好明顯的單詞和數字組合成密碼。根據Cybernews 最近公布了最普遍的Password組合，大家不妨看看，你有沒有上榜？
- 唔使用腦嘅數字組合，例如1234
- 出生年月日、紀念年月日
- 閣下或閣下親愛的名字
- 喜愛的運動團隊，例如ManU
- 粗口，例如f**k
- 城市，例如HK
- 食品，例如coffee
早陣子跟朋友談起密碼的重要性，他告訴我，他會設立一個比較長並混合符號及數字的密碼，我問他怎樣儲存密碼，他說會設立一張Google sheet 存檔。嗯，朋友大大話話都係某大銀行的head of marketing，咁樣⋯
如果你覺得你的密碼比名聲更重要，就應該要認認真真選用一個正經的password manager。你個朵可以臭咗，但如果比特幣再升值10倍，我Bitcoin exchange Wallet的密碼，係不可以失去。
坊間有好多免費或者收費嘅Password manager，今日就給大家介紹介紹。
Password Manager – 免費版
免費Password manager 的代表 — Google password manager。自2019年起，Google Chrome 已成為香港最大的智能手提電話瀏覽器, Google 密碼管理器內置於 Chrome 中，因此您無需特別安裝。Google password manager 允許您在 Android 或 Chrome 中保存密碼，並在您訪問網站時自動輸入密碼，因此您只需單擊“登錄”即可。它還可以為您創建密碼。它還具有密碼檢查功能，可檢查保存密碼的強度和安全性。
No free lunch，right? 首先，大部份的Apps都不能支援 google password manager。同時，如果有其他人使用你手機或者桌面的com瀏覽器，佢哋就可以接觸你的密碼。
Chrome 密碼管理器中的自動填充功能也是針冇兩頭利。通過使用登錄網站當然是更方便，但黑客可以冒充您經常訪問的網站並竊取您的密碼。有沒有留意，網上的詐騙集團，最喜歡騙取你的Gmail地址，然後搏一搏撞中你的Password。那麼，你的Google Password manager，未必夠secure。